Dyert e Teatrit Kombëtar janë hapur sot, për homazhe për ikonën e muzikës shqiptare, Nexhmije Pagarushën.

Bilbili i muzikës shqiptare vdiq në moshën 86 vjeçare, në mëngjesin e së premtes (7 shkurt).

Homazhet kanë bërë familjarë, miq e qytetar duke nderuar ikonën e muzikës shqiptare Nexhmije Pagarusha si dhe Ministrja e Kulturës, Rinisë dhe Sporteve, Vlora Dumoshi por ajo nuk nënshkroi në librin e kujtimeve, që shumica shkruajnë disa fjalë për të ndjerën.

Gjithashtu homazhe kanë bërë edhe artist të estradës kosovare, ku aty u panë Remzie Osmani, Shkurte Fejza me të bijën Gresa Behlulin, Motrat Mustafa, Ilir Shqiri, Naim Abazi, e disa artisë të tjerë.

Nexhmije Pagarusha la pas një karrierë të pasur artistike.

Që nga ora 8:00 është hapur e pamja në hollin e Teatrit Kombëtar në Prishtinë, ku qytetarët të shumë po shkojnë për ngushëllime për familjarët e këngëtares.

Homazhet për Nexhmije Pagarushën sot do të vazhdojnë deri në orën 17:00, e ndërsa varrimi i të ndjerës bëhet nesër (9 shkurt) në orën 14:30, në fshatin Pagarushë, Malishevë.

‘Bilbili i Muzikës Shqiptare’ posedon në repertorin e saj mbi 150 këngë, dhe ka lënë gjurmë në shumë vende ballkanike dhe evropiane me koncertet e organizuara, pra vdekja e saj është humbje e madhe edhe për Evropën.

Gjithashtu, me humbjen e saj, presidenti i vendit, Hashim Thaçi, në nderim të jetës dhe veprës së artistes së madhe, Nexhmije Pagarusha, ka vendosur që ditën e varrimit të saj, 9 shkurt 2020, ta shpall ditë zie shtetërore në tërë territorin e Republikës së Kosovës, e në pajtim me legjislacionin në fuqi, në ditën e zisë, flamuri shtetëror ngrihet në gjysmështizë në të gjitha objektet shtetërore të Republikës së Kosovës, brenda dhe jashtë vendit.